Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиядә Google Play сервисына охшаш NashStore кушымталар кибете эшли башлады
Россия кулланучыларына Google Play сервисының бездә эшләгән аналогы – NashStore кушымталар кибетенә керү мөмкинлеге ачылды. Шулай ук биредә Азия, Европа һәм Америкада яшәүчеләр дә кушымталарны йөкләп алу өчен теркәлә ала. Бу хакта ТАСС агентлыгына «Цифрлы платформалар» оешмасының матбугат хезмәтендә сөйләгәннәр.
«Хәзер NashStore кушымталар кибетен теләге булган һәркем рәсми nashstore.ru сайтыннан йөкләтеп ала ала. < ... > Бүген без шулай ук Азия, Европа һәм Америкада яшәүче чит ил разработчикларын теркәү эшен башлап җибәрәбез. Санкцияләргә карамастан, күп кенә IT-девелоперлар Россия базарын югалтырга теләми», – дигән компаниянең генераль директоры Арсений Щельцин.
Хәзер Россиядә эшләнгән кушымталар кибетендә 1 меңнән артык кушымта бар. Цифрлы товарлар өчен түләү системасы әлегә ачык түгел, әмма ул якын арада барлыкка киләчәк.
Кызыклы яңалыкларны күзәтеп бару өчен Телеграм-каналга язылыгыз