Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Россиядә Дәүләт Думасына сайлаулар 20 сентябрьдә узачак
Тугызынчы чакырылыш Дәүләт Думасы депутатларын сайлау Россиядә 20 сентябрьдә узачак. Бу хакта РФ Үзәк сайлау комиссиясе телеграм-каналында хәбәр иттеләр.
IX чакырылыш Дәүләт Думасы депутатларының вәкаләтләре чоры биш ел тәшкил итәчәк – 2031 елның сентябренә кадәр.
Тавыш бирү көне айның өченче якшәмбесе булачак, парламентның түбән палатасы гамәлдәге чакырылышның вәкаләтләре шул вакытта тәмамлана. Шуңа күрә тавыш бирү көтелә торган көн – 2026 елның 20 сентябре.
Дәүләт Думасында депутатлар саны элеккечә калачак – 450 депутат. Сайлаулар катнаш система буенча узачак: 225 депутат партия исемлекләре буенча, тагын 225 депутат бер мандатлы сайлау округлары буенча сайланачак.
Сайлауларда беренче тапкыр Донецк һәм Луганск халык республикалары, шулай ук Запорожье һәм Херсон өлкәләре халкы катнашачак. Шуңа бәйле рәвештә бер мандатлы округларның чикләре яңадан каралды: Донецк Халык Республикасында – өч округ, Луганск Халык Республикасында – ике, Запорожье һәм Херсон өлкәләрендә берәр округ булачак.
Кызыклы яңалыкларны күзәтеп бару өчен Телеграм-каналга язылыгыз