Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Россиядә чит ил паспортын гамәлдән чыккан дип тану сәбәпләрен расладылар
Чит ил паспортын югалту, шәхси мәгълүматларны үзгәртү, гамәлдә булу вакыты чыгу һәм башка берничә сәбәп чит ил паспортын гамәлдә түгел дип тануга сәбәп булырга мөмкин. Бу закон проектын йомгаклау укуында Дәүләт Думасы кабул итте. ТАСС шул хакта хәбәр итә.
Төзәтмәләр «Россия Федерациясеннән чыгу һәм Россия Федерациясенә керү тәртибе турында»гы законга кертеләчәк. Чит ил паспортларыннан тыш, алар дипломатик һәм хезмәт документларына кагыла.
Депутатлар фикеренчә, шул рәвешле коррупция куркынычын һәм вазифаи затларның вәкаләтләрен үз мәнфәгате өчен файдалану мөмкинлеген киметеп булачак.
Югарыда күрсәтелгән сәбәпләрдән тыш, җенесне алмаштырган, документ хуҗасы үлгән, илдән чыгу чикләнгән кешеләрнең документны саклауга тапшырмаган, гражданлыгы туктатылган очракларда чит ил паспорты яраксыз дип танылырга мөмкин. Шулай ук паспортны югалган яки урланган бланкта рәсмиләштерү дә гамәлдән чыгару өчен нигез була, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз