Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Россиядә балаларны автокреслосыз йөрткән өчен штрафлар артты
Россиядә 9 гыйнварда балаларны автокреслосыз йөрткән өчен штраф күләме артты. Гади машина йөртүчеләр өчен җәза суммасы 5 мең сумга җитте, үзмәшгуль таксистлар өчен – 50 мең сумга кадәр, юридик затлар өчен – 200 мең сумга кадәр. Бу хакта Дәүләт Думасының Транспорт һәм транспорт инфраструктурасын үстерү комитеты рәисенең беренче урынбасары Павел Федяев хәбәр итте, дип яза РИА Новости.
Ул аңлатканча, җаваплылыкны катгыйландыру беренче чиратта намуссыз такси йөртүчеләргә юнәлдерелгән.
Әгәр үзмәшгуль таксист баланы алып баруга заказ кабул итсә һәм аның иминлеген тәэмин итмәсә, ул вазыйфаи зат буларак штрафка тартылачак, ә шәхси эшмәкәрләр һәм таксопарклар өчен санкцияләр тагын да зуррак булачак.
Федяев билгеләп үткәнчә, штрафларны арттыру барлык ташучыларны, бигрәк тә коммерциялеләрне, балалар өчен төзек һәм сертификацияләнгән җайланмалар – бустерлар һәм автокреслолар кулланырга стимуллаштырырга тиеш.
Федяев ассызыклаганча, сүз балаларның гомере һәм сәламәтлеге турында барганда экономияләү мөмкин түгел.
Элегрәк балаларны йөртү кагыйдәләрен бозган өчен административ җаваплылык гади машина йөртүчеләр өчен 3 мең сум, вазифаи затлар өчен 25 мең сум һәм юридик затлар өчен 100 мең сум тәшкил итә иде.
Кызыклы яңалыкларны күзәтеп бару өчен Телеграм-каналга язылыгыз