Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиядә аз керемлеләрне физик затлар кеременә салым түләүдән азат итәргә тәкъдим иттеләр
РФ Хөкүмәте һәм сәнәгатьчеләр һөнәри берлекләр белән бергә аз керемлеләрне физик затлар кеременә салым (НДФЛ) түләүдән азат итәргә тәкъдим итте, дип яза РБК.
Билгеләп үтелгәнчә, шул хактагы пункт Хезмәт һәм социаль яклау министрлыгы, Россия сәнәгатьчеләр һәм эшкуарлар берлеге, Россия бәйсез профсоюзлар федерациясе тарафыннан имзаланган хезмәттәшлек турындагы килешүдә күрсәтелгән. Әлеге пункт буенча Россиядә «нәтиҗәле салым сәясәте» үткәрергә тәкъдим ителә, ул «социаль һәм икътисади тигезсезлекне» бетерә алачак.
Яклар, үз чиратында, «яшәү минимумы күләмендә керемнәрнең салым салынмый торган НДФЛ минимумы»н билгеләү юнәлешендә эшләргә тиеш. Россия сәнәгатьчеләр һәм эшкуарлар берлеге вице-президенты Федор Прокопов әйтүенчә, алга таба бу мәсьәләне социаль-хезмәт мөнәсәбәтләре комиссиясе кысаларында тикшерергә телиләр.
Искәртеп узабыз, Россиядә бер кешенең уртача кереме төбәктә соңгы өч ай өчен яшәү минимумы күләменнән түбәнрәк булган гаиләләрне аз керемлеләр рәтенә кертәләр. Салым консультанты Вадим Зарипов сүзләренчә, әгәр яшәү минимумыннан салым алсаң, бу гражданнарның болай да аз булган керемнәре кимүгә китерәчәк. Шуңа бәйле рәвештә, ул яшәү минимумы күләмендәге керемнәрне физик затлар кеременә салымнан азат итү максатка ярашлы булачак дип саный.
Кызыклы яңалыкларны күзәтеп бару өчен Телеграм-каналга язылыгыз