Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Ләйсән Хафизова
Россиядә аучыларга яңа таләпләр кертелә
2025 елның 1 сентябреннән «Ау турында» Федераль законга үзгәрешләр үз көченә керәчәк. Аучылык билеты алган кешеләр 100-200 сораудан торган тест узарга тиеш булачак. Бу хакта бүген ТР биоресурслар буенча Дәүләт комитеты рәисе Федор Батков Казанда йомгаклау коллегиясендә хәбәр итте.
«Болар барысы да хокук бозулар куркынычын киметергә мөмкинлек бирәчәк. Белемнәрне тикшерү буенча Федераль закон таләпләрен үтәү өчен махсус җиһазландырылган кабинет кирәк булачак», - диде ул.
Батков мәгълүматлары буенча, ТР биоресурслар буенча Дәүләт комитеты автоматлаштырылган программа комплексы сатып алырга планлаштыра. Булачак аучылар ЮХИДИда имтихан тапшыру системасы аналогиясе буенча тест узачак дип көтелә.
Шулай ук республикада ел саен 2,5 меңгә якын граждан аучылык билетлары ала, дип билгеләп үтелә.
Кызыклы яңалыкларны күзәтеп бару өчен Телеграм-каналга язылыгыз