Җәмгыять 26 март 2025 16:49

Россиядә ана капиталы программасы эшли башлаганнан бирле 14,5 млн сертификат бирелгән

Скопировать ссылку

Россиядә 2007 елда ана капиталы программасы гамәлгә ашырыла башлаганнан бирле якынча 14,5 миллион сертификат бирелгән. Бу хакта РФ Премьер-министры Михаил Мишустин Дәүләт Думасында хисап белән чыгыш ясаганда хәбәр итте, дип тапшыра ТАСС.

«Президент әлеге механизмны гамәлгә керткәннән бирле 14,5 миллион сертификат бирелде. Ана капиталы программасын 2030 елга кадәр озайттык», - дип билгеләп үтте Россия Хөкүмәте башлыгы депутатлар алдында чыгыш ясаганда.

Ана капиталы алтынчы ел рәттән беренче бала туганда ук билгеләнә. Хөкүмәт 2022 елдан түләүне бүгенге көндәге инфляция дәрәҗәсе нигезендә индексацияләүгә яңадан күчте. Ана капиталыннан файдалану мөмкинлекләре елдан-ел арта, дип ассызыклады Мишустин.

2024 ел Россиядә Гаилә елы дип игълан ителгән иде, хөкүмәт ел дәвамында балалар тәрбияләүче ата-аналарга ярдәм күрсәтүне көчәйтте, дип өстәде шулай ук РФ Премьер-министры.

Сәхифәләр

Россиядә ана капиталы программасы эшли башлаганнан бирле 14,5 млн сертификат бирелгән