Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиядә акыллы хисап приборы бәясен торак-коммуналь хуҗалык тарифына кертергә җыеналар
Торак-коммуналь хуҗалык өчен түләү тарифларына су һәм җылылык акыллы хисап приборлары урнаштыруны һәм хезмәт күрсәтүне кертергә планлаштыралар. Бу мәсьәләне Россия Төзелеш һәм торак-коммуналь хуҗалык министрлыгы эшләде, ә мондый приборларга акрынлап күчү 2025 елдан башлана.
«Известия» мәгълүматы буенча, Төзелеш министрлыгы докладында торак-коммуналь хуҗалык өлкәсендә ясалма интеллектны файдалануга күчү өчен, ресурсларны исәпкә алуның барлык этапларында акыллы хисап приборларын кертергә, ягъни аларны өйләрдә, фатирларда, шулай ук биналарда кулланырга кирәк.
Хисап приборларын кую бурычын ресурсларны саклаучы компанияләргә (әгәр алар хезмәтне башкаручы булса) йөкләргә планлаштырыла. Билгеләп үтелгәнчә, барлык чыгымнар да торак-коммуналь хуҗалык тарифларына кертеләчәк.
Басма язганча, Төзелеш һәм торак-коммуналь хуҗалык министрлыгы планы буенча 2024 елда яңалыклар кертүгә хокукый нигез әзерләү өчен законнарга үзгәрешләр кертергә кирәк. Хисап приборларын 2025 елда торак булмаган биналарда, ә 2027 елдан торак йортларда алмаштыру эше башланырга тиеш.
Россия Хөкүмәте аппаратында «Известия»гә Төзелеш министрлыгы торак-коммуналь хуҗалык өлкәсендә интеллектуаль хисап приборларын кертү буенча тәкъдимнәр бирде, дип расладылар.
Кызыклы яңалыкларны күзәтеп бару өчен Телеграм-каналга язылыгыз