Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиядә 1 апрельдән кемнәргә машина йөртү таныклыгын алыштырырга кирәклеген әйттеләр
![Россиядә 1 апрельдән кемнәргә машина йөртү таныклыгын алыштырырга кирәклеген әйттеләр](https://tatar-inform.tatar/resize/shd/images/uploads/news/2024/3/20/707a5604f9527b79f4d7aeeb3725be17.jpg)
1 апрельдән үз көченә керә торган «Юл хәрәкәте иминлеге турында»гы законга үзгәрешләр чит ил машина йөртү таныклыкларын Россия документларына алыштыруның тәртибен һәм срокларын билгели, дип белдерде PG Partners юридик компаниясенең өлкән идарәче партнеры Петр Гусятников «Прайм» агентлыгына. Бу хакта РИА Новости агентлыгы хәбәр итә.
«Әйтик, быелның 1 апреленнән соң РФ гражданлыгы алган кешеләргә шушы вакыттан соң бер ел эчендә Россия машина йөртү таныклыгы ясатырга кирәк», - дип ачыклык кертте ул.
Чит илдә машина йөртү таныклыгы алган россиялеләргә дә туган илгә кайтканнан соң аны бер ел эчендә алыштыру таләп ителә. Бары тик Белоруссия гражданнары һәм таныклыкны бу илдә алган россиялеләргә генә документны алыштырырга кирәкми.
Законга төзәтмәләр һич тә машина йөртү таныклыклары шунда ук гамәлдән чыга дигәнне аңлатмый – аларны алыштыру өчен җитәрлек вакыт бирелә. Моны эшләмәгән гражданнарны шундый таныклык белән машина йөрткән өчен 5-15 мең сум күләмендә штраф көтә, дип сүзен төгәлләде Гусятников.
Кызыклы яңалыкларны күзәтеп бару өчен Телеграм-каналга язылыгыз