Фән һәм мәгариф 17 октябрь 2018 08:26

Россиядә заказга диплом эшләрен язу рекламасын тыйдылар

Әлеге законны кабул итү фәнни эшләр язу турындагы рекламаны тыелган товарлар һәм хезмәтләр исемлегенә кертәчәк.

Скопировать ссылку

(Казан, 17 октябрь, “Татар-информ”). Россия Дәүләт Думасы фәнни эшләр язу турындагы рекламаны тыя торган закон кабул итте. Бу хакта ТАСС хәбәр итә.

Яңа закон нигезендә чыгарылыш квалификация эшләрен, фән өлкәсендә аттестация үткәрү белән бәйле башка эшләрне әзерләү һәм язу хезмәтләрен рекламаларга ярамый.

Заказга диплом язу турындагы реклама биргән өчен административ штраф салыначак. Юридик затлар өчен 50 мең сумга кадәр һәм физик затлар өчен 2,5 мең сумга кадәр штраф түләтергә мөмкиннәр.

#штраф

Сәхифәләр

Россиядә заказга диплом эшләрен язу рекламасын тыйдылар