Җәмгыять 9 июнь 2020 17:57

Россиядә яңа илкүләм проект барлыкка киләчәк

Программа илдәге туризмны үстерүгә юнәлдереләчәк.

Скопировать ссылку

(Казан, 9 июнь, «Татар-информ»). Россиядә туризмга багышланган яңа илкүләм проект барлыкка киләчәк. Бу хакта «Опоры России» президенты, эшче төркем утырышларында катнашкан Александр Калининга сылтама белән «Известия» газетасы яза.

Хәзерге вакытта эшлекле берләшмәләр һәм профильле оешмалар белән берлектә Хөкүмәт шөгыльләнә торган илкүләм проект илдә туристлар санын арттыруга юнәлдереләчәк һәм тармакта керемне арттырачак.

«Хәзер эчке туризм буенча илкүләм проект булдыру өчен яхшы вакыт. Тышкы базарлардагы хәзерге вазгыятьне, Россия халкының чит илгә чыга алмавын исәпкә алсак, бу актуаль булачак», — диде Калинин.

Калинин программаны тормышка ашыру 2021 елдан ук башланырга мөмкин, еллык финанслау 80 млрд сумнан да ким булмаячак диде.

Туроператорларның чыгымнарын финанслау, сервис сыйфатын яхшырту, ил буенча пассажирлар йөртүне арзанайту, чит ил кешеләре өчен электрон виза кертү кебек мәсьәләләр карала.

#илкүләм проект #илкүләм проектлар

Сәхифәләр

Россиядә яңа илкүләм проект барлыкка киләчәк