Җәмгыять 9 гыйнвар 2018 14:40

Россиядә Яңа ел бәйрәмнәрендә янгыннар һәм аларда үлүчеләр саны 25 процентка кимегән

Уңай динамика кисәтү чаралары һәм гражданнарга янгын куркынычсызлыгы кагыйдәләре турында мәгълүмат бирү белән бәйле.

Скопировать ссылку

(Казан, 9 гыйнвар, «Татар-информ»). Россиядә, узган елларның шул чоры белән чагыштырганда, Яңа ел бәйрәмнәрендә янгыннар һәм аларда үлүчеләр саны сизелерлек кимегән. Бу хакта ТАСС агентлыгына Россия Гадәттән тыш хәлләр министрлыгы матбугат хезмәтеннән хәбәр иттеләр.

Кагыйдә буларак, Яңа ел каникуллары чорында янгыннар һәм аларда үлүчеләр санының артуы күзәтелә. Статистика күрсәткәнчә, әгәр моннан 6-7 ел элек Яңа ел бәйрәмнәрендә көненә 100гә якын кеше һәлак булса, соңгы елларда янгыннар һәм аларда үлүчеләр саны кимүгә таба бара.

«1-8 гыйнвар көннәрендә, узган елның шул чоры белән чагыштырганда, янгыннар саны 1 меңгә диярлек (25 процентка) кимеде», - диде министрлык вәкиле. Өстәвенә, янгыннарда һәлак булучылар саны да 25 процентка (80гә якын кеше) азайган.

Яңа ел каникулларында янгын куркынычсызлыгын тәэмин итүгә Россия Гадәттән тыш хәлләр министрлыгының 61 меңнән артык хезмәткәре һәм 12 мең берәмлек техника җәлеп ителгән.

#янгын куркынычсызлыгы #Яңа елда хәвефләр

Сәхифәләр

Россиядә Яңа ел бәйрәмнәрендә янгыннар һәм аларда үлүчеләр саны 25 процентка кимегән