Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиядә укытучыларның эксперт советына төбәк белгечләре дә керәчәк
Бөтенроссия педсоветына керәчәк кешеләр исемлеген бөтенхалык тавыш бирү нәтиҗәләре буенча билгелиләр.
(Казан, 26 август, «Татар-информ», Надежда Гордеева). Россиядә Бөтенроссия педагогик эксперт советы төзеләчәк Аңа бөтенхалык тавыш бирү нәтиҗәләре буенча илнең теләсә кайсы укытучысы эләгә ала. Бу хакта Россия мәгариф министры Сергей Кравцов онлайн-режимда узган федераль педагогик советта хәбәр итте.
«Без шундый совет булдыру турында карар кабул иттек. Безгә сезнең белән тыгыз хезмәттәшлекне үстерергә һәм министрлык тарафыннан кабул ителә һәм эшләнә торган барлык карарларда сезнең тәҗрибәгә, сезнең карашка таянырга кирәк. Без бу советны нәкъ менә шул максат белән оештырабыз», — диде укытучыларга Мәгариф министрлыгы башлыгы.
Аның сүзләренчә, советка сайлану өчен мәктәптә биш еллык эш стажы булу бердәнбер критерий булачак.
«Совет формалаштыру өчен „Одноклассники“ социаль челтәре иҗтимагый мәйданчык булачак. Шунда ук сез сентябрь башында ук үз кандидатурагызны махсус формада күрсәтә аласыз», — дип мөрәҗәгать итте Кравцов педагогик хезмәткәрләргә.
Ул иҗтимагый тавыш бирүдә җиңүчеләрнең исемнәре 5 октябрьдә Укытучылар көнен тантаналы бәйрәм итүдә игълан ителәчәк, диде.
Кызыклы яңалыкларны күзәтеп бару өчен Телеграм-каналга язылыгыз