Җәмгыять 26 июнь 2017 14:05

Россиядә тәмәкене иң күп тартучы төбәкләр билгеле

Иң аз тәмәке тартучылар булып, рейтингка Ингушетия, Чечен һәм Татарстан Республикалары кергән.

Скопировать ссылку

(Казан, 26 июнь, “Татар-информ”). Рязань өлкәсе сигарет сатып алуга иң күп акча тотучы төбәкләр исәбенә кергән. Россиядә тәмәкене иң күп тартучы төбәкләр рейтингын Кулланучылар хокукларын яклау һәм кеше иминлеге өлкәсендә күзәтчелек (Роспотребнадзор) федераль хезмәте узган елгы нәтиҗәләр буенча рәсми докладында хәбәр иткән.

2011 елда башланган тәмәкегә каршы көрәшнең биш елында, Россия халкы тәмәкегә акчаны ике тапкыр диярлек артык тота башлаган. Бу исә тәмәкене күбрәк тарту белән бәйле түгел. Дәүләт статистика федераль хезмәте мәгълүматлары буенча, Россиядә тәмәке сату даими рәвештә кими. 2012 елда кеше башына 2,5 мең данә, 2014 елда - 2,2 мең данә сигарет туры килгән. Документ авторлары акча туздыруның артуын 2011 елдан 2016 елга кадәр дүрт тапкыр акцизлар үсүе белән аңлата.

Тәмәкегә акчаны иң күп тотучылар Бурятиедә: андаа республика халкы бюджетының уртача 8,8 проценты тәмәкегә тотыла. Рязань өлкәсе икенче урында Биредә гомуми чыгымнарының 7,9 проценты – тәмәкегә киткән акча. Өчлеккә Чукотка автономияле округы һәм Смоленск өлкәсе (6,8 процент) кергән.

Иң аз тәмәке тартучылар булып, Ингушетия (0,1 процент), Чечен (0,2 процент) һәм Татарстан Республикалары (1,2 процент) кергән.

#Тәмәке тарту #рейтинг

Сәхифәләр

Россиядә тәмәкене иң күп тартучы төбәкләр билгеле