Спорт 30 сентябрь 2014 12:49

Россиядә тәүге мәртәбә Халыкара йөреш көне узачак

Халыкара йөреш көненең төп бурычы йөрешне физик активлыкның иң гадәти һәм үтемле төре буларак популярлаштырудан гыйбарәт.

Скопировать ссылку

(Казан, 30 сентябрь, “Татар-информ”). Агымдагы елның 9 нчы октябрендә Чабаксарда “Россия – спорт державасы” V халыкара форум ачылышы кысаларында “ТАФИСА” Халыкара йөреш көне узачак. Россиядә мондый чара беренче тапкыр үткәрелә, анда Чуашстан башкаласында гына да 15 меңнән артык кешенең катнашуы көтелә, дип хәбәр итә ТР Яшьләр эшләре һәм спорт министрлыгы.

Ел саен Халыкара йөреш көнендә дөньяның 150 илендә 12 милионнан артык кеше катнаша. 2014 нче елда Россия “Россия – спорт державасы” форумының тантаналы ачылышында иң масштаблы спорт бәйрәмнәренең берсенә кушылачак.

Россия Федерациясе территориясендә Халыкара спорт ассоциациясе исеменнән барлык “ТАФИСА” оешмалары өчен Халыкара йөреш көнен уздыру хокукы “Спорт һәммә кеше өчен” Ирекле физкультура-спорт җәмгыяте” Гомумроссия иҗтимагый оешмасына бирелгән.

Шулай ук Халыкара йөреш көне РФ Спорт министрлыгының “Хезмәткә һәм оборонага әзер” Бөтенроссия физкультура-спорт комплексын гамәлгә кертү буенча координацияләү комиссиясе тарафыннан расланган “Спорт һәммә кеше өчен” гомумроссия хәрәкәте чаралары исемлеге нигезендә уздырыла.

Сәхифәләр

Россиядә тәүге мәртәбә Халыкара йөреш көне узачак