Җәмгыять 4 октябрь 2018 11:39

Россиядә сынау рәвешендә халык санын алу башланды

Җанисәптә катнашу өчен Дәүләт хезмәтләре сайтында анкета тутырырга кирәк.

Скопировать ссылку

(Казан, 4 октябрь, "Татар-информ"). Россиядә сынау рәвешендә халык санын алу башланды. Бу хакта Росстат хәбәр итә.

Россия халкы 1-10 октябрь көннәрендә, Дәүләт хезмәтләре сайтында анкета тутырып, җанисәптә катнаша ала. 16-31 октябрьдә илнең берничә төбәгендә йортлар буйлап халык санын алучылар йөреп чыгачак.

Бу төбәкләрдә халык саны алу участоклары да эшләячәк. Болар: Кабардино-Балкария Республикасының Эльбрус муниципаль районы, Саха (Якутия) Республикасының “Хангал олысы” муниципаль районы, Камчатка өлкәсенең Алеут муниципаль районы, Красноярск өлкәсе Минусинск шәһәре – Шәһәр округы, Иркутск өлкәсенең Нижнеудинск һәм Катангск муниципаль районнары, Новгород өлкәсенең Түбән Новгород шәһәр округы, Сахалин өлкәсе “Көньяк Курильск шәһәр округы” муниципаль берәмлегенең Көньяк Курильск бистәсе, Мәскәүнең Төньяк-Көнчыгыш административ округының Свиблово районы, Санкт-Петербургның шәһәр эче муниципаль берәмлекләре – Княжево муниципаль округы.

#халык исәбе #халык саны

Сәхифәләр

Россиядә сынау рәвешендә халык санын алу башланды