Җәмгыять 1 июль 2018 12:33

Россиядә “пычрак” автомобильләр өчен чикләүләр үз көченә керде

Бу автомобильләр исемлегенә “Жигули” һәм “Лада Самара” керергә мөмкин.

Скопировать ссылку

(Казан, 1 июль, “Татар-информ”). Россиядә “пычрак” автомобильләр өчен чикләүләр бүген үз көченә керде. Бу хакта РИА Новости хәбәр итә.

1 июльдән юлда йөрү кагыйдәләренең яңа редакциясе үз көченә керде. Анда пычрак газлар чыгара торган транспортка чикләүләр язылган. Бу “Евро-0”, “Евро-1” һәм “Евро-2” класслы двигательле автомобильләргә кагыла.

Карарга нигезләнеп, юл билгеләре куелачак. Шул исәптән “Механик транспорт чараларының экологик классларын чикләү зонасы” билгесе дә була. Әлеге юл билгесе куелган урында экологик классы тиешле күрсәткечләрдән түбән булган автомобильләр хәрәкәте тыелачак.

Бу чикләүләр экологик халәт начар районнарда кертеләчәк. Андый автомобильләр исемлегенә “Жигули” һәм “Лада Самара” керергә мөмкин.

Юл билгесенә буйсынмаган автомобильчеләргә 500 сум штраф салынырга мөмкин.

#юл йөрү кагыйдәләре #экология

Сәхифәләр

Россиядә “пычрак” автомобильләр өчен чикләүләр үз көченә керде