Җәмгыять 14 декабрь 2017 14:28

Россиядә пенсия түләргә акча җитәчәк, дип белдерде Путин

«Ил пенсия түләрлек хәлдә булачак, түләүләрнең тукталуына бәйле катастрофик хәл килеп тумаячак», - дип ачыклык кертте ул.

Скопировать ссылку

(Казан, 14 декабрь, «Татар-информ»). Пенсионерлар саны артканнан-арта баруга да карамастан, Россия пенсия түли алачак, дип белдерде Владимир Путин еллык матбугат конференциясендә.

«Пенсия яшен арттыру тарафдарлары фикеренчә, әгәр моны эшләмәсәк, гомер озынлыгы артуын исәпкә алып, эшләүчеләр саны кимиячәк, ә пенсиягә чыгучылар саны артачак һәм бу безгә пенсия системасын билгеле бер баланста тотарга мөмкинлек бирмәячәк», - диде Путин.

Президент ачыклык керткәнчә, «бу - дәүләтнең пенсия түли алмаслык хәлгә килеп җиткәнлеген аңлатмый».

Ил башлыгы пенсия яшен арттыру тарафдарларының шушы алымга таянуын искәртте.

#Путин еллык матбугат конференциясе #пенсия яше

Сәхифәләр

Россиядә пенсия түләргә акча җитәчәк, дип белдерде Путин