Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Россиядән чит илгә туризм агымы 20 процентка арткан
Туристик агымның чит илгә үсеше икътисадның тотрыклылануы белән бәйле.
(Казан, 16 гыйнвар, “Татар-информ”). Россиялеләр 2017 елда чит илгә сәяхәткә 38 миллион тапкыр чыккан. Бу күрсәткеч 2014 ел дәрәҗәсенә якынлашкан. Әлеге саннарны Россия туризмы хезмәте башлыгы Олег Сафонов Россия Президенты Владимир Путинның хөкүмәт әгъзалары белән булган киңәшмәсендә җиткергән. Бу хакта ТАСС агентлыгы хәбәр итә.
"Икътисадның тотрыклылануы, халыкның түләү сәләте арту Россия кешеләренә ял итәргә чит илләргә чыгу мөмкинлеген бирә. Россиядән чит илгә туризм агымы 20 процентлап арткан, бу 2017 елда 38 миллионлап кеше чит илләрдә булган дигән сүз. Күрсәткечнең 2014 ел дәрәҗәсенә якынлашуы бик мөһим. Ул вакытта чит илгә чыгу 42 млн тапкыр булган иде”, – дип җиткергән Сафонов.
Ул соңгы 17 елда россиялеләр чит илгә ял итәргә ике тапкырга диярлек артык йөрүләрен әйткән. 2000 елда 21 миллион кеше читтә ял иткән булган.
Кызыклы яңалыкларны күзәтеп бару өчен Телеграм-каналга язылыгыз