Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиядә инвалид дип тану процедурасын гадиләштерергә планлаштыралар
Пандемиядән соң да экспертизаны дистанцион рәвештә узу мөмкинлеге карала.
(Казан, 17 июль, «Татар-информ»). РФ Хезмәт һәм социаль яклау министрлыгы инвалид дип тану процедурасын гадиләштерергә тели. Экспертизаны дистанцион рәвештә узу мөмкинлеген булдыру планлаштырыла. Бу хакта федераль ведомствоның матбугат хезмәтенә сылтама белән РИА Новости агентлыгы хәбәр итә.
Тәкъдимнең авторы — Россия Дәүләт Думасында Татарстан депутаты, медицина фәннәре докторы Борис Менделевич. Элегрәк ул Хезмәт һәм социаль яклау министрлыгы җитәкчесе Антон Котяковка хат юллаган иде, анда кайбер категория гражданнар өчен коронавирус пандемиясеннән соң да даими нигездә шәхсән килүдән башка инвалидлыкны озайту мөмкинлеген саклап калырга тәкъдим ителә.
Министрлыкта мөмкинлекләре чикләнгән гражданнарга социаль ярдәм күрсәтү чаралары белән бәйле процедураларның актив форматка күчерүнең башкарылуын хәбәр иттеләр.
Шул исәптән парламентның түбән палатасына инвалидлык буенча пенсияләрне пандемия вакытындагы кебек, проактив, яисә гаризасыз формада билгеләү турында закон проекты җибәрелгән.
«Без инвалид шәхсән үзе килмичә медицина-социаль экспертизасын узу практикасын максималь булдыру мәсьәләсен медицина документлары нигезендә генә хәл итәбез», — диләр РФ Хезмәт һәм социаль яклау министрлыгында.
Министрлыкта шулай ук законда элек вакытлыча булган чараларны беркетү кайбер эшләп бетерүне таләп итәчәк.
Кызыклы яңалыкларны күзәтеп бару өчен Телеграм-каналга язылыгыз