Икътисад 15 декабрь 2018 13:00

Россиядә хезмәт кенәгәләрен электрон форматка күчерергә җыеналар

2021 елның 1 гыйнварыннан эштән азат итү һәм эшкә кабул итү фактлары "икенче көн" режимында теркәләчәк, диде Максим Топилин.

Скопировать ссылку

(Казан, 15 декабрь, «Татар-информ»). Хезмәт һәм социаль яклау министрлыгы Россия Хөкүмәтенә электрон хезмәт кенәгәләре турындагы закон проектын кертте. Бу турыда хезмәт һәм социаль яклау министры Максим Топилин әйткән. РИА Новости шул хакта хәбәр итә.

«Электрон хезмәт кенәгәсе турындагы закон проектын Хөкүмәткә керттек. Эш бирүчеләр белән ике фикер каршылыгы калды. Хәзер бу мәсьәләгә тукталмыйбыз, без хезмәттәшләр белән сөйләшүләр алып барачакбыз», — диде Максим Топилин Россия Пенсия фонды идарәсенең йомгаклау утырышында.

Аның сүзләренчә, алга таба һәр зат турындагы хисап законына үзгәрешләр кертеләчәк. «Барысы да план буенча барса, 2020 елдан тест режимында ай саен мәгълүмат биреләчәк», — диде Максим Топилин.

2021 елның 1 гыйнварыннан башлап, эш бирүчеләр эштән азат итү һәм эшкә кабул итү турындагы белешмәне "вакыйгадан соң икенче көн" режимында теркәячәк, дип ачыклык кертте ул.

#хезмәт кенәгәсе #хезмәт хакы #максим топилин

Сәхифәләр

Россиядә хезмәт кенәгәләрен электрон форматка күчерергә җыеналар