Җәмгыять 25 июнь 2019 15:00

Россиядә хәмер эчүчеләр саны кимегән

Бу алкоголь белән агулануны гына түгел, ә алкоголь белән бәйле башка тайпылышлар санын да киметкән.

Скопировать ссылку

(Казан, 25 июнь, “Татар-информ”). 2009 елдан башлап Россиядә спиртлы эчемлекләрне азрак эчә башлаганнар. Бер кеше өчен алкоголь куллану елына 18 литрдан 12,5 литрга кимегән. Бу хакта Сербский исемендәге Наркология һәм психиатрия милли медицина тикшеренү үзәге филиалы – Милли фәнни үзәк директоры Татьяна Клименкога сылтама белән "Интерфакс" яза.

Ул биргән мәгълүматлар буенча наркотиклар куллану да кимегән. Шул ук вакытта мәктәп укучылары арасында наркотиклар куллану арта, дип өстәгән Клименко.

2019 елның апрелендә Сәламәтлек саклау министрлыгы Россиядә бер кешегә алкоголь куллану җиде ел эчендә ике тапкырга кимегәнен хәбәр иткән иде. Әлеге сан 2018 елда 9,3 литр булган.

Ведомство мәгълүматлары буенча бу алкоголь белән агулануны гына түгел, ә алкоголь белән бәйле башка тайпылышлар санын да азайткан. Беренче чиратта, эшкә яраклы ир-атларның үлеме 2012 елдан башлап 18 процентка кимегән.

#аракы #хәмер #спиртлы эчемлек #агулану

Сәхифәләр

Россиядә хәмер эчүчеләр саны кимегән