Җәмгыять 2 декабрь 2017 12:28

Россиядә Гадәттән тыш демографик комиссияне гамәлгә куярга тәкъдим итәләр

Инициатива авторы сүзләренчә, илдә демография өлкәсендә “гадәттән тыш вазгыять” күзәтелә.

Скопировать ссылку

(Казан, 2 декабрь, «Татар-информ»). Демография, миграция һәм төбәк үсеше институты Россиядә Гадәттән тыш демографик комиссияне гамәлгә куярга тәкъдим итте, дип яза RT.

Инициатива авторы, оешманың күзәтчелек советы рәисе Владимир Крупнов сүзләренчә, илдә демография өлкәсендә “гадәттән тыш вазгыять” күзәтелә. Россия Президенты Путинга юлланган хатта түбәндәге статистиканы китерә: 2017 елның гыйнвар-октябрендә туучылар саны 170 мең кешегә кимегән, бу чорда үлүчеләр саны 115 мең кеше тәшкил иткән.

Крупнов демографик проблеманы эш урыннары булдыру, торак бирү һәм акчалата пособияләр түләү ярдәмендә хәл итәргә тәкъдим итә.

Ноябрьдә Владимир Путин гаиләләргә ярдәм итүнең яңа чараларыхакында хәбәр итте. Аерым алганда, президент ана капиталын 2021 ел ахырына кадәр озайтырга, 2018 елдан икенче һәм өченче бала туган гаиләләргә ипотека кредиты буенча махсус программаны эшләтеп җибәрергә тәкъдим итте. Моннан тыш, гыйнвардан беренче балага адреслы айлык түләүләр булачак.

#Гадәттән тыш демографик комиссия #демография

Сәхифәләр

Россиядә Гадәттән тыш демографик комиссияне гамәлгә куярга тәкъдим итәләр