Җәмгыять 30 октябрь 2017 13:21

Россиядә ел башыннан үлүчеләр саны 32 мең кешегә кимегән

Вице-премьер Ольга Голодец Россия Сәламәтлек саклау министрлыгы эшен югары бәяли.

Скопировать ссылку

(Казан, 30 октябрь, «Татар-информ»). Россиядә ел башыннан үлүчеләр саны 32 мең кешегә кимегән. «Россия сәламәтлек саклау системасы бүген: проблемалар һәм аларны хәл итү юллары» дигән темага багышланган конгресста социаль мәсьәләләр буенча вице-премьер Ольга Голодец шул хакта хәбәр итте.

«Хәзерге вакытта бездә үлүчеләр саны кими һәм гомер озынлыгы артуга таба бара. Әйтик, ел башыннан алып якты дөнья белән хушлашкан кешеләр саны, узган елның шул чоры белән чагыштырганда, 32 меңгә кимегән», - дигән ул.

Голодец шулай ук Россия Сәламәтлек саклау министрлыгы эшен югары бәяли. «Әгәр 2014 ел башында гомер озынлыгы 70 яшьтән узды дип горурлансак, быел инде без 72,5 яшь чиген үтеп киттек. Бу – сәламәтлек саклау системасының гаять зур, ышандырырлык нәтиҗәсе. Һәм ул бик югары бәягә лаек», - дип өстәгән Голодец.

#Ольга Голодец #үлүчеләр исәбе

Сәхифәләр

Россиядә ел башыннан үлүчеләр саны 32 мең кешегә кимегән