Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Россиядә дуңгызларның Африка чумасыннан килгән зыян 40 миллиард сумнан арткан
Россиянең Дуңгызчылык берлеге генераль директоры чир таралашының сәбәбен шәхси хуҗалыкта дуңгызларны тикшермәүдә күрә.
(Казан, 5 декабрь, ”Татар-информ”). Россиядә дуңгызлар арасында таралган Африка чумасы авыруыннан килгән зыян сигез елда 40 миллиард сумнан артып киткән, дип әйткән Россиянең Дуңгызчылык берлеге генераль директоры Юрий Ковалев “Агроинвестор" журналы оештырган “Россиянең агрохолдинглары” конференциясендә. Бу хакта ТАСС агентлыгы яза.
“2016 ел – соңгы сигез ел эчендә акча ягыннан иң кыен ел булды. Сигез елда без 2 миллион дуңгызны яндырганбаз, аннан 40 миллиард сумнан артык зыян килгән, һәм әлеге афәт дәвам итә”, - диде ул.
Чир таралашының сәбәбен Юрий Ковалев шәхси хуҗалыкта дуңгызларны тикшереп тормыйча асрауда һәм дуңгыз үләксәләрен дөрес итеп үтильләштермәүдә күрә.
Африка чумасына каршы торуда, аның фикеренчә, чаралар күрелергә тиешле. “Ветеринария хезмәте принципларын үзгәртергә, сәнәгать җитештерүендә ветеринария куркынычсызлыгы кагыйдәләрен катгыйлатырга, законлы тәртип урнаштырырга, хисап, контроль, кагыйдәләрне үтәргә кирәк”, - ди белдерә Юрий Ковалев.
Кызыклы яңалыкларны күзәтеп бару өчен Телеграм-каналга язылыгыз