Фән һәм мәгариф 4 гыйнвар 2021 12:00

Россиядә чит телдән мәҗбүри бердәм дәүләт имтиханы кертүдән баш тарттылар

БДИның төп вакытын 31 майдан 2 июльгә кадәр үткәрү планлаштырыла.

Скопировать ссылку

(Казан, 4 гыйнвар, «Татар-информ»). Россиядә чит тел буенча бердәм дәүләт имтиханы мәҗбүри булмаячак. РФ Мәгариф министрлыгының мондый предметлар исемлеге турындагы боерыгы 4 гыйнварда үз көченә керде һәм хокукый мәгълүмат рәсми порталында чыкты.

Элеккечә бары тик рус теле һәм математика фәннәрен тапшыру мәҗбүри була.

«Укучыларның дәүләт йомгаклау аттестациясе „рус теле“ һәм „математика“, шулай ук „әдәбият“, „физика“, „химия“, „биология“, „география“, „тТарих“, „җмгыять белеме“, „чЧит тел“ (инглиз, немец, француз, испан һәм кытай), „информатика“, „туган тел“, „туган тел әдәбияты“ фәннәреннән үткәрелә », диелә боерык текстында.

Имтихан тапшыручылар өчен шулай ук математика буенча БДИның база яки профиль дәрәҗәсен мөстәкыйль сайлау мөмкинлеге була.

Элегрәк «Татар-информ» Россиядә БДИны вакытыннан алда тапшыру чорын гамәлдән чыгарулары турында хәбәр иткән иде. Шул ук вакытта югары уку йортларына керергә җыенмаган унберенче сыйныф укучылары бердәм дәүләт имтиханы урынына рус теле һәм математика буенча БДИ тапшырачак.

#БДИ

Сәхифәләр

Россиядә чит телдән мәҗбүри бердәм дәүләт имтиханы кертүдән баш тарттылар