Җәмгыять 28 сентябрь 2020 17:54

Россиядә биш меңнән артык кеше коронавирустан прививка ясаткан

Прививка ясатучыларда белешмәдә язылганнан тыш билгеләр күзәтелмәгән.

Скопировать ссылку

(Казан, 28 сентябрь, «Татар-информ»). Россиядә 5 меңнән артык кеше коронавирустан «Спутник V» вакцинасын ясаткан. Бу турыда Гамалея үзәге директоры Александр Гинцбургка сылтама белән РИА Новости хәбәр итә.

«Хәзерге вакытта 5 меңнән артык кешегә „Спутник V“ вакцинасы ясалган», — диде Гинцбург.

Аның сүзләренчә, прививка ясатучыларда белешмәдә язылганнан тыш билгеләр күзәтелмәгән.

11 августта Россия Сәламәтлек министрлыгы коронавирус инфекциясеннән дөньяда беренче вакцинаны теркәде. Гамалея үзәге белгечләре уйлап тапкан препарат «Спутник V» дип атала. 24 сентябрьдә Татарстанга сынау партиясе кайтты. Беренче чиратта, вакцинаны өстенлекле төркемгә кергән кешеләргә ясыйлар.

#вакцина #коронавирус

Сәхифәләр

Россиядә биш меңнән артык кеше коронавирустан прививка ясаткан