Җәмгыять 27 апрель 2019 17:47

Россиядә балалар бакчалары һәм мәктәпләрнең эш графигын камилләштерәләр

Дмитрий Медведев Россия Мәгариф, Сәламәтлек саклау һәм Мәдәният министрлыкларына бу мәсьәләне хәл итәргә кушты.

Скопировать ссылку

(Казан, 27 апрель, “Татар-информ”). Россия Премьер-министры Дмитрий Медведев социаль блокның өч федераль министрлыгына илдәге балалар бакчаларында һәм мәктәпләрендә эш графигын камилләштерү мәсьәләсен хәл итәргә кушты. Бу хакта Хөкүмәт порталында чыккан йөкләмәләр исемлегендә хәбәр ителә.

“Балалар өчен мәктәпкәчә учреждениеләрнең һәм мәктәпләрнең эше графигы, шулай ук аларның эш сыйфаты буенча гаммәви фикер алышу механизмнары булдыру өчен тәкъдимнәр әзерләргә”, — диелә документта.

Мәсьәләне хәл итү Россия Мәгариф министрлыгы, Сәламәтлек саклау министрлыгы һәм Мәдәният министрлыгына йөкләнде.

Ведомстволарга балалар бакчалары һәм мәктәп учреждениеләренең эш режимнарын “гаилә графигы” буенча билгеләү өчен төбәкләрнең тәҗрибәсен анализларга тәкъдим ителә. Проект агымдагы елның 1 июленә кадәр тәкъдим ителергә тиеш.

#мәгариф #мәктәп #белем бирү

Сәхифәләр

Россиядә балалар бакчалары һәм мәктәпләрнең эш графигын камилләштерәләр