Җәмгыять 11 гыйнвар 2017 07:12

Россиядә авторлык хокуклары белән идарә итү буенча махсус оешма төзергә тәкъдим ителә

Россиянең Икътисад, Мәдәният, Юстиция министрлыклары яңа иҗтимагый-дәүләти оешма төзү мәсьәләсен 25 гыйнварга кадәр чишәргә тиеш.

Скопировать ссылку

(Казан, 11 гыйнвар, "Татар-информ"). Россиядә авторлык хокуклары белән идарә итү өлкәсендә иҗтимагый-дәүләти оешма төзергә мөмкиннәр. Бу хакта Россия вице-премьеры Игорь Шувалов уздырган киңәшмәгә сылтама белән “Коммерсантъ” яза, дип хәбәр итә ТАСС.

Игорь Шувалов Россиянең Икътисад, Мәдәният, Юстиция министрлыклары башлыкларына авторлык хокуклары өлкәсендә яңа иҗтимагый-дәүләти оешма төзү турындагы мәсьәләне 25 гыйнварга кадәр чишәргә боерган. Шулай ук ул Мәдәният министрлыгына авторлык хокукларына кагылышлы законнарга төзәтмәләр кертергә тәкъдим иткән. Аерым алганда, ул закон проектында авторлык хокукы иясенең гонорарлары, еллык хисаплар һәм башка мәгълүматлар тупланган “шәхси кабинетын” булдыру турында да сүз барачак.

#авторлык хокукы #Мәдәният министрлыгы #Игорь Шувалов

Сәхифәләр

Россиядә авторлык хокуклары белән идарә итү буенча махсус оешма төзергә тәкъдим ителә