Җәмгыять 1 сентябрь 2017 13:10

Россиядә алкогольсез сыраны рекламалауны тыярга мөмкиннәр

Канун проекты хуплау тапкан очракта, 2019 елның 1 гыйнварыннан гына үз көченә керәчәк.

Скопировать ссылку

(Казан, 1 сентябрь, «Татар-информ»). Якын көннәрдә Дәүләт Думасына алкогольсез сыраны рекламалауны тыюны күздә тоткан канун проекты тапшырылачак. Документны Дәүләт Думасының сәламәтлекне саклау комитеты рәисе Сергей Фургал һәм «Күмәк саклау» төбәкара иҗтимагый оешмасы президенты Марат Аманлиев әзерли, дип яза «Известия».

Фургал билгеләп үткәнчә, алкогольсез сыра рекламасының төп аудиториясе – балалар һәм үсмерләр, бу – аны тыюга нигез булып тора да.

Аның фикеренчә, реклама алкогольсез сыраның зыяны булмавы турында иллюзия тудыра.

«Яшьләр кибеткә баргач инде гадәти сыра сатып алачак, чөнки ул алкогольсез күбекле эчемлеккә караганда «текәрәк», – дип сүзен йомгаклады Фургал.

Канун проекты хуплау тапкан очракта, 2019 елның 1 гыйнварыннан гына үз көченә керәчәк.

#Сыра #реклама

Сәхифәләр

Россиядә алкогольсез сыраны рекламалауны тыярга мөмкиннәр