Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиядә 45 яшьтән өлкәнрәк кешеләргә пенсия күләме турында алдан хәбәр итәчәкләр
Пенсия фонды түләүнең якынча күләмен һәм картлык буенча пенсия алу шартлары турында хәбәр итәчәк.
(Казан, 2 гыйнвар, «Татар-информ»). Пенсия фонды Россиядә яшәүче 45 яшьтән өлкәнрәк кешеләргә булачак пенсия күләме турында алдан ук хәбәр итәчәк. Бу турыда Россия Хезмәт һәм социаль яклау министрлыгына сылтама белән РИА Новости яза.
«Пенсия фондыннан хәбәр gosuslugi. порталы аша өч елга бер тапкыр автомат рәвештә килеп торачак», — дип хәбәр иттеләр ведомство матбугат хезмәтендә.
45 яшькә күпчелек гражданнарның билгеле пенсия капиталы бар, шулар ярдәмендә түләүләр күләмен фаразларга мөмкин. Моннан тыш, бу яшьтә кешеләр пенсия күләме турында уйлана башлый, диелә хәбәрдә.
«Һәр кеше шәхси кабинетында пенсия җыелмасы һәм киләчәктә керем дәрәҗәсенә бәйле рәвештә күпме пенсия алырга мөмкинлеге турындагы мәгълүматны күрә алачак», — диде хезмәт һәм социаль яклау министры урынбасары Андрей Пудов.
Аның фикеренчә, пенсия турындагы хәбәр Россиядә яшәүчеләргә пенсиягә чыккач финанс перспективасын аңларга ярдәм итәчәк. Пенсия фонды түләүнең якынча күләмен һәм картлык буенча пенсия алу шартлары турында хәбәр итәчәк. Моннан тыш анда түләүләрне исәпләү өчен таләп ителә торган параметрларны күрсәтәчәкләр һәм пенсия җыелмалары турында мәгълүмат булачак.
Кызыклы яңалыкларны күзәтеп бару өчен Телеграм-каналга язылыгыз