Җәмгыять 21 февраль 2022 16:43

Россиядә 1 марттан көнкүреш техникасын һәм компьютерларны чүп савытына ташлау тыела

Бу яңалык компанияләргә генә түгел, гади гражданнарга да кагыла.

Скопировать ссылку

(Казан, 21 февраль, «Татар-информ»). 1 марттан Россиядә көнкүреш калдыкларның алты төркеменә карата аерым таләпләр үз көченә керә.

Бу хакта Табигый ресурслар министрлыгына сылтама белән «Парламентская газета» яза.

Сүз көнкүреш техникасын, компьютерларның система блокларын, платаларны һәм каты дискларны чүп контейнерларына ташлауны тыю турында бара. Аларны утильләштерүгә тапшырырга туры киләчәк.

Бу яңалык компанияләргә генә түгел, гади гражданнарга да кагылачак.

Узган елдан башлап, Россиядә 182 төр товарны чүплеккә ташларга ярамый. Әлеге исемлектә терекөмешле термометрлар һәм лампалар, автомобиль шиннары, кәрәзле телефоннар һәм аккумуляторлар да бар. Шулай ук, төзелеш калдыкларын, агач материалларын, яфракларны, үлән, химик матдәләр һәм медицина калдыкларын чүплеккә ташларга ярамый.

Бу төркем калдыкларны җыю пунктларына, чүп-чар операторларына яки кибетләргә эшкәртү өчен тапшырырга кирәк.

Сәхифәләр

Россиядә 1 марттан көнкүреш техникасын һәм компьютерларны чүп савытына ташлау тыела