Икътисад 21 август 2017 10:03

Россия Үзәк банкы «Северо-Восточный альянс» банкының лицензиясен алды

Регулятор мәгълүматлары буенча, банк кредиторлар алдындагы бурычларын үз вакытында үтәргә сәләтсез булып чыккан.

Скопировать ссылку

(Казан, 21 август, «Татар-информ»). Россия банкы 2017 елның 21 августында Мәскәүнең «Северо-Восточный альянс» коммерцияле банкыннан банк операцияләрен гамәлгә ашыру өчен бирелгән лицензиясен алды. Ул активларының күләме буенча 1 августка Россия Федерациясе банк системасында 250 нче урынны биләгән.

Банкның бизнес-моделе үз милекчеләренең мәнфәгатьләрен кайгыртуга юнәлдерелгән булган. Регулятор мәгълүматлары буенча, ул кредиторлар алдындагы бурычларын үз вакытында үтәргә сәләтсез булып чыккан. Банк милекчеләренең аның финанс хәлен тотрыклыландыру буенча реаль адымнар ясарга нияте булмау кредит оешмасының алдагы эшчәнлегенең өмесезлеге хакында сөйли, диелә хәбәрдә.

#Банк #лицензия

Сәхифәләр

Россия Үзәк банкы «Северо-Восточный альянс» банкының лицензиясен алды