Җәмгыять 6 гыйнвар 2018 12:12

Россия юл хәрәкәте иминлеге дәүләт инспекциясендә 10 мең хезмәткәрне кыскарттылар

Кыскартуга эләккән хезмәткәрләрнең Эчке эшләр министрлыгының башка бүлекчәләрендәге вакантлы урыннарга күчү мөмкинлеге бар.

Скопировать ссылку

(Казан, 6 гыйнвар, «Татар-информ»). Россия юл хәрәкәте иминлеге дәүләт инспекциясендә 10 мең хезмәткәрне кыскарттылар. Россия Президенты Владимир Путин 2017 елның 31 декабрендә кул куйган указда шул хакта хәбәр ителә.

Яңа елдан Эчке эшләр министрлыгында 894 871 кеше исәпләнәчәк. Шуларның 746 859ы – эчке эшләр органнары хезмәткәрләре, калганнары – дәүләт хезмәткәрләре һәм башкалар.

«Газета.ру» мәгълүматлары буенча, кыскартулар бары тик ЮХИДИ хезмәткәрләренә генә кагылачак. Кыскартулар барлык төбәкләрдә дә барачак, шул ук вакытта автомобильләрне теркәү һәм имтиханнар кабул итү белән шөгыльләнүчеләр үз вазифаларында калачак. Кыскартуга эләккән хезмәткәрләрнең Эчке эшләр министрлыгының башка бүлекчәләрендәге вакантлы урыннарга күчү мөмкинлеге бар.

#ЮХИДИ

Сәхифәләр

Россия юл хәрәкәте иминлеге дәүләт инспекциясендә 10 мең хезмәткәрне кыскарттылар