Россия җыелма командасы Пхенчхан шәһәрендә Паралимпиадада катнашмаска мөмкин
Халыкара Паралимпия комитеты башкарма комитеты Россия Паралимпия комитеты хокукларын торгызмаска карар итте.
Скопировать ссылку
(Казан, 20 декабрь, «Татар-информ»). Халыкара Паралимпия комитеты башкарма комитеты Россия Паралимпия комитеты хокукларын торгызмаска карар итте. Бу Россия атлетлары 2018 елда Көньяк Кореянең Пхенчхан шәһәрендә узачак Паралимпия уеннарында катнаша алмаячак дигән сүз.
Әмма россиялеләрнең кышкы Паралимпиадада катнашуы турындагы карарны Халыкара Паралимпия комитеты гыйнвар ахырында гына кабул итәчәк, дип билгеләп үтә комитет матбугат хезмәте.
РФ спортчылары 4 дисциплинада нейтралль әләм астында катнаша ала. Бу биатлон, чаңгы, тау чаңгысы һәм сноуборд.