news_header_top
16+
news_header_bot
news_top

Россия җыелма командасы билбаулы көрәш буенча халыкара турнир чемпионы булган

Турнир Салават Юлаевның тууына 260 ел булуга багышланган

 (Казан, 17 июль, «Татар-информ»). 10-12 нче июльдә Эстониянең Палдиск шәһәрендә билбаулы көрәш буенча Палдиск шәһәре көненә һәм Салават Юлаевның тууына 260 ел булуга багышланган  халыкара турнир узды. Ярышта Эстониядән, Латвиядән, Белоруссиядән, Финляндиядән, АКШ һәм Россиядән спортчылар катнашты, дип хәбәр итә Россиянең Көрәш федерациясе матбугат хезмәте.

Россия җыелма командасы билбаулы көрәш буенча халыкара турнирда чемпион булды. Беренче урыннарны Азат Нурмөхәммәтов (Татарстан Республикасы), Рөстәм Исламов (Башкортстан Республикасы), Муса Гәлләмов (Марий Эл Республикасы), икенче – Ирек Заһриев (Татарстан Республикасы) һәм Альберт Рәхмәтуллин (Башкортстан Республикасы) яулады.

Турнирны оештыручылар – билбаулы көрәш буенча Халыкара федерация, Россиянең Көрәш федерациясе, Палдиск шәһәре мэриясе.

news_right_1
news_right_2
news_bot