Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Машина йөртүчеләрне алкоголь куллануга тикшерүнең яңа кагыйдәләрен расладылар
Россиядә машина йөртүчеләрне алкоголь куллануга тикшерү буенча яңа кагыйдәләр расланды. Аерым алганда, хәзер тикшерүләрне ике шаһит яки видеотеркәү булганда гына үткәрергә мөмкин. Бу документ хокукый мәгълүмат интернет-порталында чыкты.
Авыздан исерткеч эчемлек исе килү, гәүдәнең тотрыксызлыгы, сөйләм бозылу, битнең төсе кискен үзгәрү яисә йөртүченең үзен гадәти хәлдә тотмавы тикшерү өчен нигез булырга мөмкин.
Прибор өреп чыгарган бер литр һавада 0,16 миллиграммнан артык алкоголь булуын күрсәтсә һәм йөртүче тикшерү нәтиҗәләрен танудан яки тест узудан баш тарткан очракта, аны медучреждениегә китерәчәкләр.
Шундый ук карар прибор нормадан тайпылыш булмауны ачыкласа, ә инспекторларның машина йөртүче исерек хәлдә дип уйларга җитәрлек нигезләмәләре булган очракта кабул ителәчәк.
Карар 2023 елның 1 мартыннан алты елга үз көченә керә.
Кызыклы яңалыкларны күзәтеп бару өчен Телеграм-каналга язылыгыз