Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россия Хөкүмәте электросамокатларының тизлеген чикләде
Россия Премьер-министры Михаил Мишустин юл хәрәкәте кагыйдәләренә, шул исәптән электросамокатларга һәм гироскутерларга кагылышлы үзгәрешләр кертелгән карарны имзалады. Бу хакта Россия Хөкүмәте порталында хәбәр ителә.
«Хәзер электросамокатлар, электроскейтбордлар, гироскутерлар, сегвейлар, монотәгәрмәчләр һәм башка шундый җайланмаларга аерым статус бирелде – шәхси мобильлек чаралары. Алар белән 25 км/сәг тән артмаган тизлектә хәрәкәт итәргә ярый. Шул ук вакытта тротуарлар, вело- һәм җәяүлеләр юллары буйлап йөрергә рөхсәт ителгән мондый электротранспортның массасы 35 килограммнан артмаска тиеш», – диелә хәбәрдә.
Шәхси мобильлек чаралары хәрәкәте махсус юл билгеләре белән җайга салыначак. Ягъни, билгеләр әлеге транспорт чараларында кайсы зоналарында хәрәкәт итәргә яравын, ә нинди зоналарда тыелуын күрсәтәчәк.
«Бергә хәрәкәт вакытында җәяүлеләргә өстенлек бирелә. Индивидуаль мобильлек чараларын йөртүчеләр үз тизлекләрен бу өстенлеккә нигезләнеп исәпләргә тиеш булачак. Гироскутер, сегвей һәм шундый ук җайланмаларда җәяүлеләр кичүе буенча юлны аркылы чыкканда тизрәк барырга кирәк булачак», – диелә карарда.
Кызыклы яңалыкларны күзәтеп бару өчен Телеграм-каналга язылыгыз