news_header_top_970_100
Руc Тат
16+
news_header_bot_970_100
Җәмгыять 22 сентябрь 2016 11:54

Россия тимер юлларының мобиль кушымтасы пәйда булачак

Хәзергә Россия тимер юллары кушымтасы Android өчен генә бар.

Скопировать ссылку

(Казан, 22 сентябрь, «Татар-информ»). «Россия тимер юллары» ААҖ "Бердәм пассажир комплексы хезмәтләрен кулланучылар мобиль кушымтасы"н эшләү буенча конкурс игълан иткән. Заявкалар 10 октябрьгә кадәр кабул ителә, алар 17 октябрьдә каралачак, нәтиҗәгә чыгару 18 октябрьгә билгеләнгән. Конкурс документлары буенча килешүнең башлангыч бәясе 68 млн сумга якын. Бу хакта "Коммерсант" хәбәр итә.

Кушымта аша еракка һәм шәһәр читенә йөри торган поездлар хәрәкәте расписаниесен белергә, электрон билет алырга, аның өчен түләргә һәм кире кайтарырга, урыннар һәм вокзаллар турында мәгълүмат алу мөмкин булачак. Дәгъвачыларның тәкъдимнәрендә 1 млн кулланучыга (аларның 10 меңе берьюлы эшләүче) һәм 5 млн кулланучыга (аларның 50 меңе берьюлы эшләүчеләр) кирәкле сервис җиһазына техник таләпләр булырга тиеш.

Мобиль кушымта Android, iOS, Windows Phone 8 һәм өлкәнрәкләр, Windows 10 Mobile өчен эшләнелә. Хәзергә Россия тимер юллары кушымтасы Android өчен генә бар.

#"Россия тимер юллары"
autoscroll_news_right_240_400_1
autoscroll_news_right_240_400_2
news_bot_970_100