Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Россия тимер юллары Яңа ел бәйрәмнәрендә 700дән артык өстәмә рейс җибәрәчәк
Яңа ел бәйрәмнәре һәм мәктәпләрдә каникул башланыр алдыннан Россия тимер юллары рейслар санын арттыру турында хәбәр итте. 26 декабрьдән 12 гыйнварга кадәр пассажирлар арасында зур ихтыяҗ булган юнәлешләргә 700дән артык өстәмә рейс җибәреләчәк. Бу хакта компаниянең матбугат хезмәте хәбәр итте, дип яза «Российская газета».
Башкала төп транспорт төене булып кала: өстәмә поездлар Мәскәүдән Адлерга, Санкт-Петербургка, Түбән Новгородка, Казанга, Воронежга һәм башка бик күп шәһәрләргә йөриячәк. Төньяк башкала исә Мәскәү, Екатеринбург һәм Төньяк-Көнбатыш шәһәрләре белән тимер юл элемтәсен көчәйтәчәк.
Бәйрәм чорында ерак араларга йөрүче поездларда барлыгы 5,5 миллионнан артык урын булачак. Гадәттәгечә иң күп пассажирлар агымы 30 декабрьдә, Яңа ел алдыннан, һәм 11 гыйнварда, каникул тәмамланыр алдыннан, көтелә.
Юлны экскурсия белән бергә берләштерергә теләүчеләр өчен «Кышкы әкият», «Карелиягә» һәм «Жигулевскта яллар» кебек махсус туристик составлар оештырылачак.
Кызыклы яңалыкларны күзәтеп бару өчен Телеграм-каналга язылыгыз