Хәвеф-хәтәр 21 ноябрь 2017 19:06

Россия судносы Төркия яр буенда штормда чайкалып йөри

Төркия порты буксир бирмәгән һәм, нәтиҗәдә, шторм судноны якорьларыннан йолкып алган һәм яр буйлап алып киткән.

Скопировать ссылку

(Казан, 21 ноябрь, “Татар-информ”). Россия судносы Кара диңгездә Төркия яр буенда штормда чайкалып йөри, - дип хәбәр иткән” Интерфакс”ка судно хуҗасы булган “МБС-Шиппинг” компаниясе вәкиле.

Диңгездәге җил-давыл алдыннан судно белән идарә итү туктатылган булган, корабльдә ягулык калмаган. Ул Ростов портына җибәрелергә әзерләнгән булган. Шторм турында кисәтү алган капитан Бартын порты җитәкчелегенә судноны ярга якынрак китерү өчен буксир сорап мөрәҗәгать иткән. Төрекләр буксир бирмәгән. Нәтиҗәдә, шторм судноны якорьларыннан йолкып алган һәм яр буйлап алып киткән. Россия судносы идарәсез һәм якорьсез Төркия яр буеннан ике мильдә штормда чайкалып йөри.

#Төркия порты #Кара диңгез #судно

Сәхифәләр

Россия судносы Төркия яр буенда штормда чайкалып йөри