Сәясәт 24 май 2017 16:43

Россия Президентын сайлау кампаниясе башлану вакыты билгеле булды

Канунга төзәтмәләр кертелеп, алар кабул ителгән очракта, сайлау алды кампаниясе 7-17 декабрьдә башланачак.

Скопировать ссылку

(Казан, 24 май, "Татар-информ"). Үзәк сайлау комиссиясе Россия Президентын сайлау кампаниясе башлану вакытын атады. Канунга төзәтмәләр кертелеп, алар кабул ителгән очракта сайлау алды кампаниясе рәсми рәвештә 7-17 декабрьдә башланачак. Бу хакта Россия Федерациясе Үзәк сайлау комиссиясе сәркатибе Майя Гришина хәбәр итә, ди яза ТАСС.

Бүген Дәүләт Думасы өченче укылышта сайлау канунының төзәтмәләр проектын кабул итте. Шуларның берсе, аерым алганда, марттагы бәйрәм көннәренә туры килүче Президент сайлауларын билгеләү мәсьәләсен үз эченә ала. Шулай итеп, канун проекты нигезендә, сайлау көнен бер атнага кичектерергә тәкъдим ителә. Бу төзәтмә тавыш бирү көне бәйрәм яки ял көненә туры килгәндә карала.

Хәзер бу канунны Федерация Советы хуплап, Президент имзаларга тиеш.

#Россия Президенты #сайлау кампаниясе

Сәхифәләр

Россия Президентын сайлау кампаниясе башлану вакыты билгеле булды