Сәясәт 12 февраль 2024 15:56

Россия Президентын сайлауда өйдән өйгә йөрүчеләрнең экипировкасын тәкъдим иттеләр

Скопировать ссылку

Татарстан Үзәк сайлау комиссиясендә журналистларга март аенда узачак Россия Президентын сайлауда өйдән өйгә йөрүчеләрнең экипировкасын күрсәттеләр. Алар республика сайлаучыларына 17 февральдән мәгълүмат бирә башлаячак. Комиссия хезмәткәренең үзе белән нәрсәләр булырга тиешлеге турында Татарстан Үзәк сайлау комиссиясе рәисе Андрей Кондратьев сөйләде.

«Бу атнада «ИнформУИК» киңкүләмле программасы старт ала. 17 февральдән Россия Президентын сайлау кампаниясе барышы турында сайлаучыларга адреслы хәбәр итүгә керешәчәкбез. Якынча 10 мең өйдән өйгә йөрүче, тавыш бирү вакытында булган мөмкинлекләр турында республикада яшәүчеләргә басым ясамыйча, хөрмәт белән өй буенча йөреп сөйләячәкләр», - диде Кондратьев.

Үзәк сайлау комиссиясенең һәр әгъзасы Россия Президентын сайлаулар символикасы төшерелгән брендланган ак япмадан һәм Россия әламе төсендә V хәрефе рәвешендәге махсус күкрәк билгесе таккан булачак. Аларның мәгълүмати буклеты, исемле бейдж таныклыгы булачак. Шулай ук алар үзләре белән паспорт алырга тиеш.

Алар шулай ук сайлауларга кагылышлы төрле сорауларга җавап бирә алачак. Мисал өчен, сайлау участогы урнашкан урын, тавыш бирү өчен гариза бирү яки «Мобиль сайлаучы» системасыннан файдалану турындагы сорауларга, дип өстәде Кондратьев.

Үзәк сайлау комиссиясенең һәр әгъзасы сайлаучыларның тавыш бирергә планлаштырулары һәм нинди формада тавыш бирергә җыенулары, комиссия телефонын һәм сайлау көннәрендә система турындагы башка мәсьәләләрне белүләре турында ачыклык кертәчәк.

Сәхифәләр

Россия Президентын сайлауда өйдән өйгә йөрүчеләрнең экипировкасын тәкъдим иттеләр