Җәмгыять 1 гыйнвар 2019 10:32

Россия Президенты Владимир Путин Марат Хөснуллинны Мактау ордены белән бүләкләде

Мәскәүнең вице-мэры 2018 елда футбол буенча чемпионатка әзерлектә һәм үткәрүдә керткән өлеше өчен бүләккә лаек булды.

Скопировать ссылку

(Казан, 1 гыйнвар, “Татар-информ”). Россия Президенты Владимир Путин Мәскәү мэрының шәһәр төзелеше сәясәте һәм төзелеш мәсьәләләре буенча урынбасары Марат Хөснуллинны Мактау ордены белән бүләкләде. Дәүләт башлыгының бу хактагы боерыгы Хокукый мәгълүмат урнаштырылган рәсми интернет-порталда чыкты.

Анда вице-мэрны һәм башка түрәләре “2018 елда футбол буенча FIFA Дөнья чемпионатына әзерлектә һәм үткәрүдә зур өлеш керткән өчен” бүләкләнә диелгән.

Марат Хөснуллин 2001 елдан 2010 елга кадәр Татарстан төзелеш, архитектура һәм торак-коммуналь хуҗалык министры булды. 2010 елның ноябрендә Мәскәүнең Шәһәр төзелеше департаментын җитәкләде, ә шул елның декабрь башында башкала мэры урынбасары итеп билгеләнде.

#марат хөснуллин #владимир путин #орден

Сәхифәләр

Россия Президенты Владимир Путин Марат Хөснуллинны Мактау ордены белән бүләкләде