Россия Президенты Татарстанда яңа судьяларны билгеләде
Скопировать ссылку
Россия Президенты Владимир Путин Татарстанда биш яңа судьяны билгеләү турында указ имзалады. Документ хокукый мәгълүмат рәсми порталында урнаштырылган.
ТР Югары судының судьялары итеп Илнур Абдуллин һәм Ирек Ибраһимов билгеләнде.
Моннан тыш, Президент Казанның Авиатөзелеш район суды судьясы итеп Альбина Кәримованы, Кукмара район суды судьясы итеп Венера Хәмидуллинаны, Чистай шәһәр суды судьясы итеп Александра Тякмаеваны билгеләде.