Җәмгыять 31 декабрь 2017 10:52

Россия Президенты Төркия дәүләте башлыгына Яңа ел котлавы юллаган

Скопировать ссылку

(Казан, 31 декабрь, ”Татар-информ”). Россия Президенты Владимир Путин Төркия президенты Рәҗәп Тайип Эрдоганны Яңа ел белән котлады, дип хәбәр итә Кремль сайты. Бу хакта “Анадолу” агентлыгы җиткерә.

Котлау юлламасында Россия-Төркия багланышларын тулысынча торгызу һәм ике яклы хезмәттәшлектә кайбер өлкәләрдә күзгә күренерлек алга китеш тә билгеләп үтелгән.

“Безнең илләрнең тыгыз хезмәттәшлеге Якын Көнчыгышта террорчылык һөҗүмнәре куркынычын җәелдерүгә ышанычлы киртә куйды һәм Сирия конфликтын җайлаштыруда сәяси процесска шартлар тудырды”, диелгән юлламада.

Анда шулай ук конструктив әңгәмәләрне һәм ике яклы, төбәкара һәм халыкара мәсьәләләрдә уртак актив эшчәнлекне дәвам итәргә әзер булу турында әйтелә.

#россия-төркия багланышлары

Сәхифәләр

Россия Президенты Төркия дәүләте башлыгына Яңа ел котлавы юллаган