Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россия Президенты студент-медикларның остаз табибларына өстәмә түләүләр бирергә кушты
Түләү укучыларны практик әзерләүдә катнашучы белгечләр өчен каралган.
(Казан, 18 март, «Татар-информ»). Россия Президенты Владимир Путин студент-медикларны практик әзерләүдә остазлар сыйфатында катнашучы табиблар өчен стимуллаштыручы түләүләр оештырырга кушты.
Йөкләмә быел 25 гыйнварда узган Россия студентлары көне уңаеннан югары уку йортлары укучылары белән очрашу нәтиҗәләре буенча бирелде. Документ тексты Кремль сайтында урнаштырылган.
Өстәмә акча булачак табибларга төп һөнәри белем бирү программаларын үзләштерүдә ярдәм итә торган «дәүләт һәм муниципаль медицина оешмалары» хезмәткәрләре өчен билгеләнгән.
РФ Премьер-министры Михаил Мишустин йөкләмәне үтәүдә җаваплы итеп билгеләнде. Йөкләмә үтәлеше турында ул быел 1 ноябрьгә кадәр хәбәр итәргә тиеш.
Татьяна көнендәге очрашу вакытында табиб-остазларның эшен оештыру зарурлыгына дәүләт башлыгы игътибарын Казан дәүләт медицина университеты студенты Сабина Мамедова җәлеп иткән иде, элек бу хакта «Татар-информ» хәбәр итте.
Кызыклы яңалыкларны күзәтеп бару өчен Телеграм-каналга язылыгыз