Җәмгыять 28 гыйнвар 2022 15:09

Россия Президенты пенсияләрне 8,6 процентка индексацияләү турындагы законга кул куйды

Пенсионерлар февраль аенда ук индексацияләнгән түләүләрне алачак.

Скопировать ссылку

(Казан, 28 гыйнвар, «Татар-информ»). Россия Президенты Владимир Путин бүген 2022 елда пенсияләрне 8,6 процентка индексацияләү турындагы законга кул куйды. Тиешле документ хокукый мәгълүмат рәсми интернет-порталында урнаштырылган.

Закон проекты элегрәк Россия Федерациясе Дәүләт Думасы һәм Федерация Советы тарафыннан хупланган иде.

Дәүләт башлыгы пенсияләрне инфляция дәрәҗәсеннән югарырак — 8,6 процентка индексацияләү тәкъдиме белән агымдагы елның гыйнвар уртасында Хөкүмәт әгъзалары белән узган киңәшмәдә чыгыш ясады.Россия пенсионерлары инде февраль аенда ук индексацияләнгән түләүләрне алачак.

Президент шулай ук 2022 елда пенсияләрне гади пенсионерлар өчен генә түгел, хәрби һәм хокук саулау органнары пенсионерлары өчен дә 8,6 процентка индексацияләргә тәкъдим итте.

Сәхифәләр

Россия Президенты пенсияләрне 8,6 процентка индексацияләү турындагы законга кул куйды