news_header_top_970_100
news_header_bot_970_100

Россия Президенты Минтимер Шәймиевне Халыклар бердәмлеге көне белән тәбрикләде

“Без дәүләт бәйрәме – Халыклар бердәмлеге көнен халкыбызның тарихи батырлыгына хөрмәт билгесе буларак билгеләп үтәбез”, – диелә котлауда

(Казан, 3 ноябрь, “Татар–информ”). Россия Федерациясе Президенты Дмитрий Медведев Татарстан Республикасы Президенты Минтимер Шәймиевне Халыклар бердәмлеге көне белән тәбрикләде. Бу хакта Татарстан Президентының матбугат хезмәте хәбәр итә.
“Хөрмәтле Минтимер Шәрипович!
Сезне дәүләт бәйрәме – Халыклар бердәмлеге көне белән тәбрик итәм.
Без аны Ватан азатлыгын якларга һәм Россия дәүләтчелеген ныгытырга ярдәм иткән халкыбызның тарихи батырлыгы, гражданнар бердәмлеге һәм патриотизмының күп гасырлык традицияләренә хөрмәт билгесе буларак билгеләп үтәбез.
Алар бүгенге көндә дә Россия җәмгыяте үсеше һәм чәчәк атуының нигезе булып тора.
Сезгә сәламәтлек һәм яңадан–яңа уңышлар теләп калам”, – диелә Д.Медведевның котлавында.

news_right_column_1_240_400
news_right_column_2_240_400
news_bot_970_100