Җәмгыять 20 февраль 2019 14:20

Россия Президенты илдә чүплекләрне тәртипкә китерергә өндәде

Владимир Путин алдагы ике елда Россиядә 30 эре чүплек бетереләчәген әйтте.

Скопировать ссылку

(Казан, 20 февраль, "Татар-информ", Лилия Локманова). Россия Президенты Владимир Путин чүплекләрне тәртипкә китерергә һәм чүп ташыган өчен түләүләрне арттырмаска өндәде. Бу хакта ул бүген Федераль Җыенга юлламасында әйтте.

Унбишенче тапкыр Федераль Җыен каршында чыгыш ясаганда, Президент экология мәсьәләләренә аерым тукталды.

"Әгәр дә барысы да чүп ташыган өчен түләүләр артуга килеп тоташа икән - бу эш түгел. Кешеләр нәрсә өчен күп акчалар түләвен һәм нинди үзгәрешләр булуын күрергә тиеш", - диде ул.

Чүплекләрне тәртипкә китерү мәсьәләсен контрольдә тотуны Владимир Путин Халык фронтына йөкләде һәм алдагы ике елда Россия шәһәрләрендә 30 эре чүплек юкка чыгарылырга тиешлеген белдерде.

#путин #юллама #чүплек

Сәхифәләр

Россия Президенты илдә чүплекләрне тәртипкә китерергә өндәде